ياشهر كلك خير في خير في خير
=========ياخير عند الله من كل الِشْهُـور
اختارك الله غير وانته تـرا غيـر
==========أنزل بك القرأان نوراًعلا نـور
ياشهر صومك فرض مافيه تقصير
==========لله وحده والجزاء منْه موفـور
ليَ صامك الإنسان للذنـب تكفيـر
======مأجور من صامك من الله مأجور
ما أيسرك من شهرمافيك تعسيـر
=======وياحلاتك في سحورك والفطور
لك نكهتك لك طعم ثانـي وتأثيـر
======تأثير إيجابي محبب علا الفـور
شهر العباده والعطى شهر تدبيـر
====كم كافر اسلم بك وكم تاب مخمور
من صامك ايماناًوحسبه حصد خير
====واجره علا من بيده الأجر محصور
ومن فطر ويله مـن الله تحذيـر
======يصلا سقر إلا إذا كـان معـذور
صيامنا تطهيـر للنفـس تطهيـر
=====من غيها والحقد والكذب والزور
تصفـدة فيـك الشياطيـن تقديـر
=====من ربنا والعبد بالصوم منصور
والنار توصد وانت يالشهر تبريـر
======لولاك ماتوصد ولابابـك النـور
في أولك رحمه مـن الله وتيسيـر
===والذنب في نصفك علا الله مغفور
وأخرَك عتقـاً مـن النار(تكبيـر)
===الله وأكبر ما اعضمك بين الِشْهور
واخر كلامي مافي الشهـر تبذيـر
=======ياعبد ربـك لاتبـذر ومشكـور
والختم صلي عدَّ ماسبـح الطيـر
=====علا نبينى والبشر يتلوا الطـور
